Bugun,

  • USD 11095.31
  • RUB 173.84
  • EUR 10772.44

Toshkent shahri Yunusobod tumani IIO FMB 5-son IIB xodimlari tomonidan o‘tkazilgan tezkor tadbir natijasida 1978-yil Toshkent shahrida tug‘ilgan D.Akromov (ismlar o‘zgartirilgan) xonadonidan 1 ta 12 kalibrli TOZ-43 rusumidagi ov miltig‘i, 1 ta pnevmatik qurol, 29 dona foydalanilmagan ov o‘qi, 59 dona foydalanilgan ov miltig‘i o‘qi borligi aniqlandi va tegishli tartibda olib qo‘yildi, deb xabar beradi O‘zA.

Foto: O‘zA

Foto: O‘zA

Ma’lum bo‘lishicha, qurollar D.Akromovning 2004-yilda vafot etgan otasiga tegishli bo‘lgan. Biroq fuqaro shu vaqtga qadar ularni huquq posbonlariga topshirmay o‘z uyida noqonuniy ravishda saqlab kelgan.

Ballistik ekspertiza xulosasiga ko‘ra, qurol-aslahalarning ma’lum bir qismi foydalanishga yaroqli. Shu bois fuqaroga nisbatan O‘zbekiston Respublikasi Jinoyat kodeksining 248-moddasi (Qurol, o‘q-dorilar, portlovchi moddalar yoki portlatish qurilmalariga qonunga xilof ravishda egalik qilish) 1-qismi bilan jinoyat ishi qo‘zg‘atildi.

Toshkent shahar IIBB poytaxt aholisini ruxsat etilgan tegishli hujjatlarsiz saqlanayotgan qurollari bo‘lsa, huquqni muhofaza qiluvchi organlarga topshirishga chaqirdi.

“Eslatib o‘tamiz, qurollarni ixtiyoriy ravishda topshirgan fuqarolar jinoiy javobgarlikdan ozod etiladi”, — deyiladi xabarda.

Izoh
Asosiy yangiliklar
Maslahatlar
Qishda kasal bo‘lmaslikning sinalgan 5 ta usuli
Mahalliy
“O‘zbekiston milliy elektr tarmoqlari” boshqaruvi raisi va yana 3 mas’ulga hayfsan berildi
Dunyo
“Rossiya bahorda yangi hujum boshlash uchun Ukrainadagi urushni muzlatmoqchi” — Stoltenberg