“VKontakte”, “Yandeks”, Twitter, Facebook va “Odnoklassniki.ru”ning IP-manzillari “Roskomnadzor” tomonidan taqiqlangan saytlar reyestriga tushib qoldi, deb xabar beradi “Gazeta.ru”.
Shuningdek, ro‘yxatdan Yahoo va Liveinternet IP-manzillari ham joy olgan. Idora saytida ma’lum qilinishicha, “VKontakte”ga tegishli 87.240.129.133 manzili bloklangan. Bundan tashqari Google’ning 33 ta, Microsoft’ning 29 ta, Amazon — 14 ta, “Yandeks” va Facebook’ning beshtadan, Twitter’ning uchta hamda “Odnoklassniki.ru” ijtimoiy tarmog‘ining bitta IP-manzili bloklangan.
“Agarda bu (IP-manzillarning bloklanishi) qasddan qilingan bo‘lsa, ikkinchi zarba — jiddiy bo‘ladi: bank aloqlari, marshrutizatorlar, DNS tizimlari”, — deydi Usher2.Club asoschisi Filipp Kulin.
Izoh (0)