Chevrolet Corvette ZR1 superkari modelning eng kuchli talqini bo‘lib, soatiga 346 kilometr tezlikka erishgan. Bu haqda “Motor” xabar berdi.
Superkarning sinovlari Germaniyadagi Papenburg shahrida joylashgan poligonda bo‘lib o‘tgan. Avtomobil real tezlikka erishishi uchun uning orqa qismidagi qanot olib tashlangan va shu tariqa aerodinamik qarshilik kamaytirilgan.
Birinchi yurish vaqtida Chevrolet Corvette ZR1 soatiga 346 kilometr, ikkinchi yurishda esa soatiga 338 kilometr tezlikka erishgan. O‘rtacha tezlik soatiga 341 kilometrni tashkil qilgan.
Superkar 6,2 litr sig‘imli 765 ot kuchiga ega dvigatel bilan jihozlangan. Mashina 2,85 soniyda 36 km/soat tezlikka chiqa oladi, 160 km/soat tezlikka erishishi uchun esa olti soniya kerak bo‘ladi.
Izoh (0)