Bugun,

  • USD 11095.31
  • RUB 173.84
  • EUR 10772.44

“O‘zbekkino” MA buyurtmasi bilan rejissor Akrom Shaxnazarov hamda prodyuser Ravshan Norbayev tomonidan suratga olinayotgan “101-reys” filmining suratga olish ishlariga tayyorgarlik jarayonlari boshlandi. Film rejissori Akrom Shaxnazarov tayyorgarlik jarayonlari oldidan jurnalist Feruz Muhammadga intervyu berdi.

“101-reys” filmi rejissori Akrom Shaxnazarov. Foto: “101-reys” filmi arxivi

“101-reys” filmi rejissori Akrom Shaxnazarov. Foto: “101-reys” filmi arxivi

Rejissor “101-reys” filmi uchun tajribali aktrisalar labidagi botoks hamda sun’iy kiprik ektirgani uchun filmga jalb qilolmayotgani haqida gapirib berdi.

O‘zbekiston havo yo‘llarida ishlaydigan bort kuzatuvchisining gaplariga qaraganda, styuardessaga sochidan toki tirnoqqacha qo‘yilgan ichki tartib-qoidalar bor. Aynan “101-reys” filmining voqealari sodir bo‘lgan 2001-yilda labni botoks qildirish yoki sun’iy kiprik ektirish umuman bo‘lmagan. Bundan tashqari, havo yo‘llarining ichki tartib qoidalariga ham bu zid bo‘lgani uchun biz bugungi kunda faoliyat yuritayotgan va aynan mahoratiga, filmda rol ijro etishiga ko‘zimiz yetgan aktrisalarni filmga taklif qilolmayapmiz. Shunaqangi qobiliyatli, mahoratli aktrisalarimiz bor, ammo ular labini botoks qildirgani yoki sun’iy kiprik ektirgani uchun rolga olinmayapti. Shuning uchun biz, film prodyuseri Ravshan Norbayev bilan kelishgan holda, labini botoks qildirgan yoki sun’iy kiprik ektirgan aktrisalarni “101-reys” filmining kastinggiga ham taklif qilmadik. Biz hozir ularni “101-reys” filmiga olsak, film ishonsiz va soxta chiqadi.

Akrom Shaxnazarov, “101-reys” filmining rejissori

Ma’lumot uchun, “101-reys” badiiy filmi real voqeaga asoslangan bo‘lib, unda 2001-yil AQShning Nyu-York shahrida sodir etilgan terrorchilik harakati oqibatida Shimoliy Amerika havo hududida qiyin vaziyatda qolgan — bortida 180 nafar yo‘lovchi bo‘lgan “O‘zbekiston havo yo‘llari” aviakompaniyasiga qarashli Boeing-757 samolyotining 101-reys ekipaji ko‘rsatgan jasorat haqida hikoya qilinadi.

Film postanovkachi rejissor — Akrom Shaxnazarov, bosh prodyuser — Ravshan Norbayev hamda Erkin A’zam badiiy rahbarligida suratga olish ishlariga tayyorgarlik ko‘rilmoqda.

Izoh
Asosiy yangiliklar
Dunyo
“Daryo” kundaligida 9-dekabrda sodir bo‘lgan eng muhim voqealar
Dunyo
Qozog‘iston Rossiyaga zirhli texnika jo‘natishi haqida xabarlar tarqaldi (video)
Madaniyat
Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video)