Avval xabar berilganidek, kecha, 24-aprel oqshomida Yurgen Klopp boshliq “Liverpul” o‘z maydonida Rimning “Roma”sini qabul qilib, yirik 5:2 hisobida g‘olib bo‘ldi.
Shuningdek, “mersisaydliklar” yarim himoyachisi Jeyms Milner mazkur uchrashuvda bitta golli uzatmaga mualliflik qildi. Natijada, Milner joriy mavsumdagi golli uzatmalari sonini 9 taga yetkazib oldi va Yevropa Chempionlar Ligasi rekordini o‘rnatdi. Bunday natijaga avval hech bir futbolchi erishmagan edi. Bu ko‘rsatkichga erishish uchun Jeymsga 701 daqiqa kerak bo‘ldi.
YeChLda bir mavsumida eng ko‘p golli uzatma bergan futbolchilar:
- Jeyms Milner (“Liverpul”), 701 daqiqa, 2017/18 — 9 ta
- Ueyn Runi (“Manchester Yunayted”), 765 daqiqa, 2013/14 — 8 ta
- Neymar (“Barselona”), 797 daqiqa, 2016/17 — 8 ta
- Rayan Giggz (“Manchester Yunayted”), 605 daqiqa, 2006/07 — 7 ta
- Zlatan Ibragimovich (PSJ), 793 daqiqa, 2012/13 — 7 ta
- Xavi Ernandes (“Barselona”), 971 daqiqa, 2008/09 — 7 ta
Izoh (0)