Xokkey bo‘yicha Toshkentning “Binokor” jamoasi Dubaydagi xalqaro musobaqada g‘olib chiqdi. Bu haqda Sputnik xabar berdi.
23 davlatdan 23 ta jamoa qatnashgan musobaqada O‘zbekiston jamoasi final bahsida Rossiyaning “Moskva pingvinlari” jamoasini 3:1 hisobida mag‘lub etib, musobaqa g‘olibiga aylandi.
“Binokor” jamoasi musobaqani A guruhida boshladi. Guruhda Shvetsiya, Finlyandiya va Rossiya jamoalariga qarshi bahs olib bordi. Uchta uchrashuvning 2 tasida g‘alabaga erishgan bo‘lishsa, 1 tasida durang qayd etishdi.
Jamoa bosh murabbiyi Alisher Azimovning ta’kidlashicha, o‘zbek jamoalari ilk bor bunday katta musobaqa g‘olib bo‘ldi. Murabbiyning so‘zlariga ko‘ra, jamoa tarkibida 18-20 yoshli yigitlar harakat qilgan va haqli tarzda musobaqada g‘olib chiqishgan.
Izoh (0)