“Samarqand—Toshkent” yo‘lining Bulung‘ur tumani hududidan o‘tgan qismida 18-aprel kuni yuz bergan yo‘l-transport hodisasi oqibatida bir bola halok bo‘ldi, deya xabar bermoqda Samarqand viloyat IIB matbuot xizmati.
Ma’lum bo‘lishicha, Buxoro viloyati Qorako‘l tumanida yashovchi 35 yoshli haydovchi Mercedes Benz avtomobilini “Samarqand—Toshkent” yo‘nalishi bo‘ylab boshqarayotib, Bulung‘ur tumani Ulug‘bek mahallasida 11 yoshli bolani urib yuborgan.
“Bola olgan tan jarohatlari natijasida shifoxonada vafot etgan”, — deyiladi viloyat IIB axborotida.
Izoh (0)