Toshkent fuqarosi Chirchiq daryosi bo‘yidagi axlattepa olib tashlanishiga erishdi
Sergeli tashqarisidagi Chirchiq daryosi sohillarida ulkan axlattepa hosil bo‘lgan, uning bir qismi tuproq bilan birga daryoga to‘kilib tushgan. Bir necha yillardan buyon manzaraga guvoh bo‘lganlar indamay o‘tib ketardi va faqat norozilik bildirardi, xolos. Ammo bir kishi daryoni qutqarish uchun kurash boshladi, deb yozadi “Potrebiteli.uz”. U axlattepa suratlarini olib, bir necha marta Internetda bu holat haqida ovoza qildi, portalga shikoyat yubordi.
Afsuski, portal shikoyatni mahalliy hukumatga yo‘naltirdi, ular esa u yerda qurilish chiqindilari vaqtinchalik turgani, hech qanaqa axlattepa yo‘qligi haqidagi quruq rasmiyatchilik bilan kifoyalandi.
Ammo tabiat tozaligi uchun qayg‘urgan fuqaro bo‘sh kelmadi va suratlarni Internetga joylashdan, portalga yana va yana shikoyatlar jo‘natishdan charchamadi. Oxir-oqibat, axlattepa yo‘q qilindi, Chirchiq daryosi bo‘yi tozalandi. Endi u yer toza va chiroyli joyga aylandi, deyiladi xabarda.
