Fransiya mamlakat prezidenti Telegram’dan foydalanmasligi uchun shaxsiy messenjerini ishlab chiqdi

Fransiya hukumati rasmiy shaxslarning barcha ma’lumotlarini mamlakat ichkarisida saqlovchi shifrlashga ega bo‘lgan shaxsiy messenjerini sinovdan o‘tkaza boshladi. Bu haqda Reuters xabar berdi, deb yozadi Tjournal.

Mamlakat rasmiylari ma’lumotlar Rossiya yoki AQShda shifrlansa, chatlardagi axborot “begona qo‘llarga” tushishi mumkinligidan xavotirlanmoqda.

Hozircha sinov jarayonida fransuz hukumatining 20 vakili ishtirok etmoqda, biroq yozda messenjerni barcha mansabdorlar uchun majburiy tartibda joriy etish rejalashtirilmoqda.

Fransiya maxsus xizmatida shaxsiy messenjerni ishlab chiqish istagi mamlakat prezidenti Emmanuel Makronning Telegram’ga muhabbati fonida yuzaga kelgan bo‘lishi mumkin. Bloomberg ma’lumotiga ko‘ra, Makron, unga yaqin doira va ba’zi boshqa mansabdorlar ishni muhokama qilish uchun Telegram’dagi chatlardan foydalanadi.