Britaniyada BMW avtomobili piyodalarga bostirib bordi

Buyuk Britaniyaning Esseks grafligida BMW avtomobili 6 nafar yigitning ustiga bostirib bordi. Bu haqda “Korrespondent.net” xabar bermoqda.

Guvohlarga ko‘ra, haydovchi boshqaruvni uddalay olmay, piyodalarga borib urilgan.

Jabrlanganlarning barchasi turli darajadagi jarohatlar bilan kasalxonaga yotqizildi. Ulardan birining og‘ir holatda ekanligi bildirilmoqda.

Politsiya yuz bergan hodisani o‘rganishga kirishdi.