Suriya prezidenti Bashar Asadning fikricha, G‘arb Suriya mojarosi bo‘yicha nazoratni yo‘qotdi va shu sababli ham endi Suriya hududiga zarbalar berishga qaror qildi. Bu haqda u eronlik hamkasbi Hasan Ruhoniy bilan bo‘lib o‘tgan telefon muloqoti chog‘ida ta’kidlab o‘tgan, deya xabar bermoqda “Kommersant”.
Bashar Asadning ta’kidlashicha, AQSh, Fransiya va Buyuk Britaniya tomonidan berilgan zarbalar Suriyaning “har bir qarich yerda terrorizmga qarshi kurash va uni yo‘q qilish” borasidagi qat’iyatini yanada mustahkamlaydi.
O‘z navbatida, Eron prezidenti Suriyani qo‘llab-quvvatlashda davom etishini bildirib, “(AQSh va uning ittifoqchilari tomonidan amalga oshirilgan ushbu) agressiya Suriya xalqining terrorizmga qarshi kurashdagi qat’iyatini sindira olmasligiga ishonch bildirgan”.
Avvalroq, 14-aprelga o‘tar kechasi millatga murojaati vaqtida AQSh prezidenti Donald Tramp Suriyaga zarbalar berish to‘g‘risida qaror qabul qilganini ma’lum qilgan edi. Rossiya prezidenti Vladimir Putin Suriyaga berilgan zarbalarni “agressiya harakati” deb atadi.
Izoh (0)