Toshkent shahri, Yakkasaroy tumani IIBga 7-aprel kuni yirik miqdordagi firibgarlik holati yuzasidan murojaat kelib tushdi. Bu haqda IIV jamoatchilik va OAV bilan aloqalar boshqarmasi xabar berdi.
Ma’lum bo‘lishicha, 2017-yil 25-oktabr kuni Yunusobod tumanida yashovchi, muqaddam sudlangan, 1984-yilda tug‘ilgan S.Pazilov 1985-yilda tug‘ilgan A.Haydarovga “Davr bank” Olmazor filialidan 2 milliard so‘m kredit olib berishni va’da qiladi. Buning uchun undan 26,3 ming dollar undiradi.
S.Pazilov va’dasini bajarmay, pullarni o‘z ehtiyoji uchun ishlatib yubordi. Ko‘rilgan choralar natijasida u qo‘lga olindi.