Shimoliy Koreya rahbariyati Amerika ma’muriyatiga KXDR yetakchisi Kim Chen Inning Koreya yarimorolini yadroviy qurolsizlantirishga tayyor ekanligini ma’lum qildi. Bu haqda The Wall Street Journal xabar berdi, deb yozadi “Gazeta.ru”.
“AQSh Kim Chen In Koreya yarimorolini yadroviy qurolsizlantirishni muhokama qilishni istayotganligini tasdiqladi”, — deya xabar berdi AQSh prezidenti Donald Tramp ma’muriyatining vakili.
U tomonlar o‘rtasidagi muzokaralar maxfiy olib borilayotganligi sababli Shimoliy Koreya tomoni bu masalani muhokama qilishga tayyor ekanligini qachon va qay tarzda tushunish imkonini berganligiga aniqlik kiritmadi. Muzokaralarda har ikkala mamlakatning razvedka xodimlari ishtirok etmoqda.
Izoh (0)