Bugun, 8-aprel sanasida Angliya premyer ligasining 33-turida “Arsenal” “Sautgempton”ni qabul qildi. Londonda kechgan uchrashuv “kanonirlar”ning 3:2 hisobidagi g‘alabasi bilan yakunlandi.
Avvaliga mehmonlar 17-daqiqada hisobni ochdi. Gol muallifi Sheyn Long. Ko‘p o‘tmasdan Denni Uelbekning uzatmasidan so‘ng Pyer-Emerik Obameyang hisobni 1:1 ko‘rinishiga keltirdi. Uchrashuvning 38-daqiqasida Uelbek gol urib “Arsenal”ni oldinga olib chiqdi. “Sautgempton” Charli Ostinning 73-daqiqada urgan goli sabab hisobni tenglashtirdi. O‘yinning 81-daqiqasiga kelib yana o‘sha Uelbek 2-golni urib, jamoasining g‘alabasini ta’minladi.
Turning so‘nggi o‘yini Londonda “Chelsi” hamda “Vest Hem” jamoalari o‘rtasida kechdi. Uchrashuv 1:1 hisobidagi durang bilan yakunlandi. “Chelsi” safida Sezar Aspilikueta gol urgan bo‘lsa, unga mehmonlarda Xavyer Ernandes — Chicharito javob qaytardi.
Angliya premyer ligasi
33-tur bellashuvlari
8-aprel, yakshanba
“Arsenal” – “Sautgempton” 3:2
Gollar: 0:1 – 17 Long, 1:1 – 28 Obameyang, 2:1 – 38 Uelbek, 2:2 – 73 Ostin, 3:2 – 81 Uelbek.“Chelsi” — “Vest Hem” 1:1
Gollar: 1:0 — 36 Aspilikueta. 1:1 — 73 Chicharito.
Izoh (0)