Yangi Zelandiyaning Janubiy orollari g‘arbiy sohilida 32 ta qora delfin o‘zini qirg‘oqqa tashladi. Bu haqda 5-aprel kuni The New Zealand Herald gazetasi xabar berdi, deb yozadi “TASS”.
Delfinlardan 24 tasi allaqachon halok bo‘lgan. Ular o‘zini Okuru daryosi etagi yaqiniga tashlagan. Mazkur hududning aholisi kam bo‘lganligi sababli hayvonlarni darhol payqashmagan. Tabiatni qo‘riqlash milliy boshqarmasi xodimlari hodisa yuz bergandan taxminan 12 soat o‘tib hududga yetib kelgan.
Qutqaruvchilar va mahalliy aholi kuchli shamol va baland to‘lqinlar tufayli tirik qolgan delfinlarga hozircha yordam bera olmayapti.
Izoh (0)