O‘zbekistonda mobil aloqa kompaniyalari abonent raqamidan foydalanganligi uchun haq to‘lashi hozircha bekor qilinmaydi. Bu haqda Moliya vazirining o‘rinbosari Vyacheslav Pak ma’lum qildi, deya
xabar beradi UzDaily.
Foto: Sputnik“Bu alohida to‘lov turi, davlat jamg‘armalariga maqsadli to‘lovlar sirasiga kirmaydi. Dunyoning ko‘plab davlatlarida amalda bo‘lgan bilvosita soliqning bir ko‘rinishi”, — izoh berdi Pak.
Loyiha boshqaruvi milliy agentligi direktori o‘rinbosari Go‘zal Islomova soliq islohoti konsepsiyasida individual emas, balki umumiy soliqlar bekor qilinishi ko‘zda tutilganini eslatdi. Mazkur to‘lov umummiliy va majburiy to‘lovlar qatoriga kirmasligi, bunday to‘lovlar masalasi soliq kodeksi muhokamasida ko‘rib chiqilishini bildirdi.
Abonent raqamidan foydalanganlik uchun to‘lov O‘zbekistonda 2012-yilda joriy etilgandi. Hozirda uning miqdori bir oyga 4 ming so‘mdan iborat.
Izoh (0)