Joriy yilning 25-mart kuni Nyu-York shahridagi Emir Palace restoranida o‘zbekistonlik yengilmas professional bokschi Shohjahon Ergashev bilan uchrashuv o‘tkaziladi. Bu haqda bokschi “Sports.uz” internet portaliga ma’lum qilgan.
AQShda vatandoshlarim va muxlislarim bilan uchrashishdan xursandman. O‘ylaymanki, ushbu uchrashuv men uchun ham, ular uchun ham maroqli bo‘ladi. Mazkur tadbir tashkilotchilariga o‘zim va jamoamiz nomidan minnatdorchilik bildiraman. Darvoqe, barcha yurtdoshlarimni Navro‘z bayrami bilan chin yurakdan tabriklayman. Yakshanba kuniga qadar ko‘rishguncha, aziz muxlislarim!Mazkur tadbir soat Nyu-York vaqti bilan 11:00 da boshlanadi. Tadbirda mehmonlarga sumalak taqdim etiladi.Shohjahon Ergashev, bokschi
Eslatib o‘tamiz, Shohjahon o‘zining navbatdagi jangini 28-aprel kuni Nyu-Yorkda xitoylik Jiming Vangga qarshi o‘tkazadi.
Izoh (0)