Yaponiyada 2017-yilda noma’lum xakerlar kompyuterga buzib kirish yo‘li bilan 6,3 million dollarlik kriptovalyutani o‘g‘irladi, deb xabar beradi “TASS”.
O‘tgan yili mamlakatda hammasi bo‘lib, 149 ta kriptovalyuta o‘g‘irlash holati aniqlangan. O‘g‘rilik login va parolni o‘zlashtirish orqali sodir etilgan.
Yaponiyada fevral oyidan kriptovalyuta birjalarini tekshirish jarayoni boshlandi. Yaponiyada 16 ta rasmiy kriptovalyuta maydonchalari faoliyat yuritadi. Yana o‘ndan ortiq shunday birjalar ro‘yxatdan o‘tkazilishni kutmoqda. Hukumat kriptovalyuta birjalarini tekshirib, ular istalgan vaziyatda mijozlar oldidagi vazifasini bajara olishiga amin bo‘lmoqchi.
Izoh (0)