Qo‘shma Shtatlar O‘zbekistonda fuqarolik jamiyati faoli G‘aybullo Jalilov ozod etilganini olqishlaydi. Bu haqda AQShning O‘zbekistondagi elchixonasi bayonot berdi.
“2009-yili xavfsizlikka aloqador masala va ro‘yxatdan o‘tmagan diniy tashkilotga a’zolikda ayblanib, ozodlikdan mahrum etilgan Jalilov doim aybsiz ekanini aytib kelgan. 2013-yili BMTning hibsga olish va ushlab turish bo‘yicha ishchi guruhi Jalilovni ozod etishga chaqirgandi”, — deyiladi hujjatda.
Bayonotda Qo‘shma Shtatlar ushbu qaror hamda O‘zbekistonda sud tizimida oshkoralikni kuchaytirish, barcha fuqarolar uchun qonunga muvofiq adolatli munosabatlarni takomillashtirish bo‘yicha islohotlarni qo‘llab-quvvatlashi bildirilgan.
Izoh (0)