Rossiyaning tibbiy biologiya muammolari instituti kelgusidagi SIRIUS (Scientific International Research in Unique Terrestrial Station) tajribasining ba’zi tafsilotlarini ochdi. To‘rt oylik izolyatsiyadan iborat tajriba 2019-yilning birinchi choragida boshlanadi. Bu haqda “TASS” xabar berdi.
Aniqlik kiritilishicha, ko‘p millatli ekipaj tarkibiga uch nafar ayol va uch nafar erkak kiradi (komandir, bort menejeri, shifokor va uch nafar tadqiqotchi).
SIRIUS dasturi uzoq fazoga parvozlarga, birinchi navbatda Oy atrofidagi Deep Space Gateway stansiyasi ishiga tayyorgarlik doirasida amalga oshiriladi. Uning yaratilishi haqida 2017-yilning sentabr oyida “Roskosmos” va NASA o‘rtasida kelishuvga erishilgan edi. Birinchi modulning Yerdan uchirilishi 2022-yilga rejalashtirilgan. U xalqaro ekipajdan tashkil topadi.
Izoh (0)