YeChL. “Yuventus” — “Real”, “Manchester Siti” — “Liverpul” — chorak finalga qur’a tashlandi

Qur’adan oldin jamoalar hech qanday savatchalarga ajratilmadi. Shuningdek, mazkur bosqichda qur’aga ko‘ra bir mamlakat jamoalari o‘zaro to‘qnash kelishi mumkin edi. Angliyaning turnirda qolgan ikki klubi “Liverpul” va “Manchester Siti” o‘zaro kuch sinashadigan bo‘ldi.

1/4 final juftliklari quyidagicha ko‘rinish oldi:

• “Yuventus” (Italiya) — “Real Madrid” (Ispaniya)
• “Barselona” (Ispaniya) — “Roma” (Italiya)
• “Sevilya” (Ispaniya) — “Bavariya” (Germaniya)
• “Liverpul” (Angliya) — “Manchester Siti” (Angliya)

Ushbu mavsum Yevropa chempionlar ligasi finali 26-may kuni Ukraina poytaxti Kiyev shahridagi “Olimpiyskiy” stadionida bo‘lib o‘tishi belgilangan.