O‘zbekiston Milliy kutubxonasida Islom Karimov nomidagi Respublika xayriya jamoat fondi tayyorlagan va nashr qilgan “Islom Karimov — mustaqil O‘zbekiston asoschisi” kitob-albomini kutubxonaga tuhfa etish marosimi bo‘lib o‘tdi. Bu haqda O‘zA xabar berdi.
Unda Islom Karimovning rafiqasi Tatyana Karimova, bir qancha tashkilot vakillari, jurnalistlar ishtirok etdi.
Mazkur kitob-albomda Shavkat Mirziyoyevning Birinchi Prezident haqida aytgan fikrlaridan iborat so‘zboshi keltirilgan.
Kitob-albomda Birinchi Prezidentning turli yillardagi faoliyatiga oid noyob suratlari, xorijiy davlat rahbarlari, davlat va siyosat arboblari, turli soha vakillarining Islom Karimov haqidagi samimiy dil so‘zlari, fikrlari joy olgan.
Bir qancha nusxadagi kitob-albomdan kutubxona foydalanuvchilari istaganicha foydalanishi mumkin. Yanada ko‘proq qulaylik yaratish uchun kutubxona xodimlari tomonidan kitobning elektron ko‘rinishi ham tayyorlanmoqda.
Izoh (0)