Investitsiyalar bo‘yicha davlat qo‘mitasida O‘zbekiston va Xalqaro savdo-moliya islom korporatsiyasi o‘rtasida dastlabki kelishuv imzolandi. Bu haqda Spot xabar bermoqda.
Kelishuv mahalliy kompaniyalarga ikki yil muddatga 100 million dollar (yiliga 50 million dollardan) kredit berilishini ko‘zda tutadi.
Mazkur kredit eksportdan oldingi moliyalashtirish, asosiy xomashyo importi uchun mablag‘ ajratish va eksport bilan bog‘liq boshqa operatsiyalar uchun mo‘ljallangan.
Ma’lumot uchun, Xalqaro savdo-moliya islom korporatsiyasi Islom taraqqiyoti bankining avtonom bo‘linmasi hisoblanadi.
Izoh (0)