Olmaotada o‘ldirilgan egizaklarning uch yoshli ukasi Ravil Volchenkoni buvisi O‘zbekistonga olib ketdi, deb xabar berdi “Kazinform”.

Foto: “Kazinform”

Muzlatgichdan topilgan egizaklar jasadi bo‘yicha olib borilgan sud ishiga ko‘ra, ularning kichkina ukasi Ravil Volchenko bolalar uyiga joylashtirilgan. Shundan so‘ng vasiylik bo‘limi bolakayning O‘zbekistonda yashaydigan buvisini qidirishga tushgan. U Qozog‘istonga yetib kelishi bilan DNK tahlili o‘tkazilgan va Nuriya Gilmutdinova uning qarindoshi ekanligini tasdiqlangan.

“Sud Nuriya Gilmutdinovani 2015-yilda tug‘ilgan Ravil Volchenkoga vasiy etib tayinlash bo‘yicha hukm chiqardi”, — deyiladi rasmiy xabarda.

Shu bilan birga, Medeu tumani vasiylik va homiylik organlari tomonidan bolakayning onasi — Alla Volchenkoni onalik huquqidan mahrum qilish bo‘yicha ariza topshirgan.

Eslatib o‘tamiz, 2017-yil oxirida sud Volchenkoning turmush o‘rtog‘i, O‘zbekiston fuqarosi Emil Gilmutdinovni maksimal xavfsizlik ta’minlangan koloniyada o‘tash sharti bilan 20 yilga, Volchenkoni — o‘rtacha xavfsizlik ta’minlangan koloniyada o‘tash sharti bilan 18 yilga ozodlikdan mahrum qilgan edi.