Eronda qulagan Turkiya xususiy samolyoti bortida taniqli turk tadbirkori Husayn Basharanning qizi va 7 nafar dugonasi bo‘lgan. Bu haqda “RIA Novosti” xabar bermoqda.
28 yoshli Mina Basharan Birlashgan Arab amirliklaridan 28-martga mo‘ljallangan to‘yi arafasida dugonalari davrasida o‘tkazilgan bazmdan qaytayotgandi.
Tadbirkorning qizi 2013-yildan beri xolding direktorlar kengashi tarkibiga kirgani va uni Basharan Holding’da otasining o‘rnini egallashga tayyorlab kelingani bildirilmoqda.
Xoldingga qarashli va Sharjadan Istanbulga yo‘l olgan xususiy samolyot 11-mart, yakshanba kuni Toshkent vaqti bilan soat 20:20 da radarlardan g‘oyib bo‘ldi.
Uning bortida 11 kishi, jumladan, 3 nafar ekipaj a’zosi bo‘lgan. Bombardier Challenger 600 Eronning Shahri Kord shahri yaqinidagi tog‘li hududda quladi va yonib ketdi.
Izoh (0)