Prezident Shavkat Mirziyoyevning Oliy Majlisga murojaatnomasi matni Bishkekda qirg‘iz tilida kitob shaklida chop etildi. Bu haqda O‘zbekiston TIV matbuot xizmati
ma’lum qildi.
Foto: O‘zbekiston TIV matbuot xizmatiKitob taqdimoti ikki davlat o‘rtasida diplomatik munosabatlar o‘rnatilganining 25 yilligiga bag‘ishlangan “Qirg‘iziston—O‘zbekiston hamkorligi rivojlanishining yangi ufqlari” mavzusidagi ilmiy-amaliy konferensiya doirasida bo‘lib o‘tdi.
Konferensiya ishida Qirg‘iziston tashqi ishlar vazirining birinchi o‘rinbosari Dinara Kemelova boshchiligidagi TIV vakillari, Qirg‘izistonning favqulodda va muxtor elchilari, TIV Diplomatik akademiyasi, Strategik tadqiqotlar milliy instituti, “Manas” qirg‘iz-turk universiteti, Qirg‘iziston Milliy universiteti, Qirg‘iziston davlat universiteti, Qirg‘iziston xalqaro universiteti rahbarlari va professor-o‘qituvchilari ishtirok etdi.
Tadbirda video-konferensiya aloqasi orqali O‘sh davlat universiteti rahbariyati, o‘qituvchilari va xalqaro aloqalar fakulteti talabalari qatnashdi.
Diplomatik akademiyaning “Xalqaro munosabatlar va huquq” kafedrasi professori, elchi Irina Orolbayeva ta’kidlaganidek, O‘zbekiston Prezidenti murojaatnomasi matni qirg‘iz tilida chop etilishi Qirg‘iziston jamoatchiligiga qo‘shni mamlakatning muhim siyosiy hujjatini o‘z ona tilida o‘rganish imkonini beradi.
“Murojaatnomaning asosiy qismlarini diqqat bilan o‘rganib, Qirg‘iziston va O‘zbekistonda rivojlanish uchun bir yo‘l mavjud degan xulosaga keldim. Shavkat Mirziyoyevning ko‘pchilik takliflari Qirg‘iziston uchun ham o‘ta dolzarb”, — deya ta’kidladi I. Orolbayeva.
Izoh (0)