Germaniyaning Bensxaym shahrida (Gessen yeri) 10-mart, shanba kuni yengil motorli samolyot halokatga uchradi. Bu haqda shahar ma’muriyati ma’lum qildi, deya xabar beradi “RIA Novosti”.
“Bensxaymda samolyot quladi. Ikki kishi halok bo‘ldi”, — deyiladi ma’muriyatning Facebook’dagi sahifasida.
Shuningdek, falokat joyidan fotolar ham e’lon qilingan bo‘lib, unda qizil rangdagi kichik samolyot aks ettirilgan.
Hodisa joyida o‘t o‘chirish xizmati va politsiyaning 25 nafar xodimi ishlamoqda.