NATOga a’zo mamlakatlar Rossiya chegarasi yaqinida keng ko‘lamli harbiy mashg‘ulotlarni o‘tkazadi. Unda 45 nafar ishtirokchi qatnashadi. Bu haqda AQSh dengiz piyodalari korpusining qo‘mondoni, general Robert Neller ma’lum qildi, deb xabar berdi “RIA Novosti”.

Foto: News.Mail.Ru

Uning so‘zlariga ko‘ra, o‘quv mashg‘ulotlari oktabr oyida boshlanadi. Unda o‘nlab kemalar va samolyotlar, shuningdek, amfibiya mashinalar ishtirok etadi. Nellerning aniqlik kiritishicha, manyovrlar Norvegiya qiroqlarida, Rossiya chegarasi yaqinida o‘tkaziladi.

“Ishonchim komilki, bunga javoban Rossiya tomonidan namoyishkorona diplomatik harakatlar amalga oshiriladi”, — deydi general.

AQSh armiyasining bo‘linmalari Norvegiyaga joriy yilning yanvar oyida joylashtirilgan edi. Dengiz piyodalari og‘ir sharoitlarda jangovar tayyorgarliklarni o‘tkazmoqda. Bu Ikkinchi jahon urushidan buyon birinchi marta chet el qo‘shinlarining mamlakat hududiga joylashtirilishi hisoblanadi.

NATOga a’zo mamlakatlar 2014-yilda Qrim Rossiya tarkibiga qo‘shib olinganidan keyin Yevropadagi harbiy faoliyatini mustahkamlash bo‘yicha qaror qabul qilgandi.