Aziz Yusupov Axborot-kommunikatsiya texnologiyalarini rivojlantirish jamg‘armasi direktori etib tayinlandi. Bu haqda Axborot texnologiyalari va kommunikatsiyalarini rivojlantirish vazirligi axborot xizmati xabar berdi.
Bungacha mazkur lavozimda Baxtiyor Tohirov faoliyat yuritib kelgan edi.
Ma’lumot uchun, mazkur jamg‘armaning asosiy vazifasi jamg‘armada shakllangan mablag‘lar hisobiga davlat boshqaruvi organlari va mahalliy davlat hokimiyati organlarining idoralararo integratsiyalashtirilgan axborot tizimlarini joriy etish, aloqa, televideniye va radioeshittirish sohasi hamda telekommunikatsiya tarmoqlari va tizimlarini rivojlantirish, modernizatsiya qilish va boshqa loyihalarni moliyalashtirish hisoblanadi.
Izoh (0)