“O‘zbekekspertiza” AJ Kuzatuv kengashi tomonidan o‘tkazilgan umumiy yig‘ilish qaroriga ko‘ra, Ulug‘bek Abdug‘aniyev bosh direktor vazifasini vaqtincha bajaruvchi etib tayinlandi. Bu haqda Tashqi savdo vazirligi matbuot xizmati xabar berdi.
Ulug‘bek Abdug‘aniev ilgari O‘zbekiston Respublikasi Markaziy banki Kredit tashkilotlari inspeksiyasi departamentida turli lavozimlarda faoliyat yuritgan.
Shuningdek, Rahim Davronov aksiyadorlik jamiyatining ishlab chiqarish va monopol bo‘lmagan xizmat turlarini rivojlantirish masalalari bo‘yicha direktor lavozimiga tayinlandi.
“O‘zbekekspertiza” AJda o‘tkazilgan uchrashuv doirasida kompaniya faoliyatining tanqidiy tahlillari keltirib o‘tildi, tashkilot rivojlanishining ustuvor yo‘nalishlari belgilab olindi.
Izoh (0)