“O‘zbekiston temir yo‘llari” AJ yaqin vaqt ichida VISA xalqaro to‘lov tizimi kartalarini to‘lovga qabul qila boshlaydi. Bu haqda UzDaily xabar bermoqda.
Kompaniya o‘z yo‘lovchilari va mijozlari uchun xizmat ko‘rsatishni yaxshilash bo‘yicha ishlarni davom ettirayotganligini ta’kidladi. To‘lovning yangi shakli ushbu ishlarning mantiqiy davomi bo‘ladi.
Yaqin vaqt ichida kompaniya mijozlari VISA xalqaro to‘lov tizimi orqali poyezdga chipta xarid qilishi yoki u uchun to‘lovni amalga oshirishi mumkin.
Kompaniyaning ta’kidlashicha, hozirgi vaqtda mazkur tizimni veb-resurs bilan integratsiya qilish amalga oshirilmoqda va u sinov rejimida ishlayapti.
Izoh (0)