Zamonaviy texnologiyalar nafaqat har yili yangi smartfon yaratishga, balki “aqlli” kiyimlarni ishlab chiqishga imkon beradi. HI-tech Mail.Ru ana shunday yuqori texnologiyali kiyimlardan iborat jamlanmani taqdm etdi.

The Twitter Dress

Yoritgichli diodlar o‘rnatilgan ko‘ylak internetga ulangan. Modalar namoyishida ko‘ylakda maxsus xeshtegli tvitlar aks etgan.

Foto: “Hi-tech Mail.Ru”

The Smart Fit

Samsung tomonidan ishlab chiqilgan “aqlli” kiyimlar to‘plamiga kiruvchi pidjakning yengida NFC chipi o‘rnatilgan. Chipga telefon raqamlar va elektron pochta manzillarini joylashtirish va boshqa shunday chipli kiyimga tegish orqali ularni ulashish mumkin.

Foto: “Hi-tech Mail.ru”

Smart Sock 2

Bolalar paypog‘i bolaning yurak urishi va kislorod darajasini kuzatib boradi. Sog‘lik holati yomonlashganda, paypoqlar qizil rangda yonadi, smartfonga esa bu haqda xabar keladi.

Foto: “Hi-tech Mail.ru”

“Tirik” kiyim

Ko‘ylakdagi bezaklar kichik robotlar bo‘lib, kiyimni istalgan tomonga harakatlantirishga imkon beradi.

Foto: “Hi-tech Mail.ru”

Isituvchi qo‘lqoplar

Ravean kompaniyasi tomonidan taqdim etilgan qo‘lqoplar isitishning uchta darajasida ishlaydi. Eng past darajada qo‘lqoplar olti soat davomida batareya quvvati bilan ishlay oladi va ularni kiygan holda smartfonlarni ishlatish mumkin.

Foto: “Hi-tech Mail.ru”

Shiftwear krossovkasi

Krossovkaga e-ink displeyi o‘rnatilgan bo‘lib, uning yordamida krossovkaning ustida istalgan suratni aks ettirish mumkin. Shu tariqa har kuni yangi krossovka kiyish mumkin.

Foto: “Hi-tech Mail.ru”

“Aqlli” paypoqlar

Sensoria tomonidan taqdim etilgan “aqlli” paypoqlar yugurish tezligi va tempi, sarflangan kaloriya haqida ma’lumot yig‘adi va ularni smartfonga yozadi.

Foto: “Hi-tech Mail.ru”

Hi-Call qo‘lqopi

Qo‘lqopda kichik ovoz chiqarish qurilmasi va mikrofon o‘rnatilgan. Sovuq vaqtida telefonda so‘zlashish uchun qulaylik.

Foto: “Hi-tech Mail.ru”

Hatsonic bosh kiyimi

Sovuqda musiqa eshitish va telefonda so‘zlashish uchun yana bir qulay kiyimda ikkita ovoz chiqarish qurilmasi o‘rnatilgan.

Foto: “Hi-tech Mail.ru”

Blacksocks paypoqlari

O‘z juftini aniqlovchi paypoqlar

Foto: “Hi-tech Mail.ru”

Stappone shippagi

Qaysi tomonga og‘irlik ko‘proq tushayotganini aniqlaydi va zararni bartaraf etish uchun qanday qilib to‘g‘ri yurish va o‘tirish kerakligini ko‘rsatadi.

Foto: “Hi-tech Mail.ru”