Zamonaviy texnologiyalar nafaqat har yili yangi smartfon yaratishga, balki “aqlli” kiyimlarni ishlab chiqishga imkon beradi. HI-tech Mail.Ru ana shunday yuqori texnologiyali kiyimlardan iborat jamlanmani taqdm etdi.
The Twitter Dress
Yoritgichli diodlar o‘rnatilgan ko‘ylak internetga ulangan. Modalar namoyishida ko‘ylakda maxsus xeshtegli tvitlar aks etgan.
The Smart Fit
Samsung tomonidan ishlab chiqilgan “aqlli” kiyimlar to‘plamiga kiruvchi pidjakning yengida NFC chipi o‘rnatilgan. Chipga telefon raqamlar va elektron pochta manzillarini joylashtirish va boshqa shunday chipli kiyimga tegish orqali ularni ulashish mumkin.
Smart Sock 2
Bolalar paypog‘i bolaning yurak urishi va kislorod darajasini kuzatib boradi. Sog‘lik holati yomonlashganda, paypoqlar qizil rangda yonadi, smartfonga esa bu haqda xabar keladi.
“Tirik” kiyim
Ko‘ylakdagi bezaklar kichik robotlar bo‘lib, kiyimni istalgan tomonga harakatlantirishga imkon beradi.
Isituvchi qo‘lqoplar
Ravean kompaniyasi tomonidan taqdim etilgan qo‘lqoplar isitishning uchta darajasida ishlaydi. Eng past darajada qo‘lqoplar olti soat davomida batareya quvvati bilan ishlay oladi va ularni kiygan holda smartfonlarni ishlatish mumkin.
Shiftwear krossovkasi
Krossovkaga e-ink displeyi o‘rnatilgan bo‘lib, uning yordamida krossovkaning ustida istalgan suratni aks ettirish mumkin. Shu tariqa har kuni yangi krossovka kiyish mumkin.
“Aqlli” paypoqlar
Sensoria tomonidan taqdim etilgan “aqlli” paypoqlar yugurish tezligi va tempi, sarflangan kaloriya haqida ma’lumot yig‘adi va ularni smartfonga yozadi.
Hi-Call qo‘lqopi
Qo‘lqopda kichik ovoz chiqarish qurilmasi va mikrofon o‘rnatilgan. Sovuq vaqtida telefonda so‘zlashish uchun qulaylik.
Hatsonic bosh kiyimi
Sovuqda musiqa eshitish va telefonda so‘zlashish uchun yana bir qulay kiyimda ikkita ovoz chiqarish qurilmasi o‘rnatilgan.
Blacksocks paypoqlari
O‘z juftini aniqlovchi paypoqlar
Stappone shippagi
Qaysi tomonga og‘irlik ko‘proq tushayotganini aniqlaydi va zararni bartaraf etish uchun qanday qilib to‘g‘ri yurish va o‘tirish kerakligini ko‘rsatadi.
Izoh (0)