Vohamizda bu yilgi bahor xayrli tadbirlar bilan boshlandi. Urganch shahridagi “Yoshlik” sport majmuasida 1—3-mart kunlari Egambergan hoji ota xotirasiga bag‘ishlab dzyudo bo‘yicha 2002, 2003 hamda 2004—2005-yillarda tug‘ilgan o‘smir o‘g‘il-qizlar o‘rtasida Xorazm viloyati ochiq birinchiligi o‘tkazilmoqda. Mazkur bellashuvda 1000 nafardan ortiq yosh o‘g‘il va qizlar ishtirok etmoqda.
G‘oliblarga, jumladan, birinchi o‘rinni qo‘lga kiritgan 30 nafar yosh polvonga — velosiped, ikkinchi o‘rinni olgan 30 nafar ishtirokchiga — qimmatbaho sovrin va medal, diplomlar, shuningdek, uchinchi o‘rinni egallagan 60 nafar o‘quvchiga sovrin, medal va diplomlar berish ko‘zda tutilgan.
Qizg‘in musobaqalarni Urganch davlat universiteti talabalari, umumta’lim maktablari, litsey, kollej o‘quvchilari kuzatib bormoqda. Shunisi ahamiyatga molikki, bu musobaqaga AL–BEYAZIM ELEKTRIK, NISO NUR ELEKTRIK, AZIYA ELETRO ENERGIYA va VOSTOK ENERGIYA — elektr asbob uskunalarini ishlab chiqarish korxonalari rahbariyati tomonidan homiylik qilinmoqda.
Reklama huquqi asosida