2018-yilning 26—27-fevral kunlari Afg‘oniston Islom Respublikasining Energetika va suv resurslari vazirligi tashabbusiga ko‘ra Termiz shahrida O‘zbekiston va Afg‘onistonning suv masalalari bo‘yicha idoralari muttaxassislari uchrashuvi bo‘lib o‘tdi. Bu haqda O‘zbekiston Respublikasi Tashqi ishlar vazirligi matbuot xizmati xabar bermoqda.
Uchrashuv chog‘ida Amudaryo bo‘yi sohilini mustahkamlashga qaratilgan choralar yuzasidan fikr almashildi.
Muzokaralarda O‘zbekiston Suv xo‘jaligi vazirligi va Afg‘oniston Energetika va suv resurslari vazirligi vakillari tajriba almashinuv va muntazam uchrashuvlar tashkillashtirish bo‘yicha takliflar ko‘rib chiqildi.
Uchrashuv yaqin qo‘shnichilik ruhi hamda do‘stlik va hamkorlik muhitida bo‘lib o‘tdi.
Izoh (0)