1-fevraldan e’tiboran gilos sotib olish bo‘yicha shartnomalar imzolay boshlagan “O‘zbekoziqovqatxolding” joriy yilda gilos hosilini to‘liq sotib olishga tayyorgarlik ko‘rmoqda. Bu haqda “Gazeta.uz” xabar berdi.

“O‘zagroeksport” I, II yoki III nav kategoriyasiga tushmaydigan gilosni ham qayta ishlash uchun sotib oladi.

Amaldagi xarid narxlari I navdagi gilosning 1 kilogrammi uchun 24 ming so‘mni, II nav uchun — 16 ming so‘mni, III nav uchun — 8 ming so‘mni tashkil etmoqda. Qayta ishlashga mo‘ljallangan gilos 3 ming so‘mdan sotib olinadi.

Aytilishicha, hosilni to‘plash va qayta ishlashga yangicha yondashuv darodamni oshirish bilan bir qatorda O‘zbekiston uchun yangi eksport bozorlarini ochadi.