Ispaniyaning “Qirollik klubi”ni mustaqillik orzusidagi Kataloniyaning uch jamoasi birma-bir mag‘lub etib chiqdi

Madridning “Real” klubi Kataloniya klublari tomonidan birma-bir mag‘lub etildi. Bunday holat yaqin orada kuzatilmagandi.

Ispaniya La Ligasining “Barselona”, “Espanyol” hamda “Jirona” klublari Kataloniyaga tegishli. Shu mavsum mazkur trio Zidan jamoasidan 3 ochkodan olib ulgurdi.

Debyutant bo‘lishiga qaramay, “Jirona” 10-turda “Real”dan ustun kelgandi — 2:1. Qizig‘i, bu irodali g‘alaba bo‘lgan. Isko madridliklarni oldinga olib chiqqan bo‘lsa-da, ikkinchi 45 daqiqalikda jironaliklar bayram qilgandi.

17-turda esa “Barselona” biryo‘la “Santyago Bernabeu”da zafar quchdi. 23-dekabr kuni bo‘lib o‘tgan o‘yinda Messi va jamoadoshlari “Real” darvozasiga 3 ta javobsiz gol urishning uddasidan chiqa oldi.

Va nihoyat kecha — 27-fevral kuni “Espanyol” o‘z uyida “Real”dan ustun keldi. G‘alaba goli so‘nggi soniyalarda kiritildi. Shu kuni barselonalik futbolchilar o‘zlarining 37 yillik ishlarini takrorladilar. Ya’ni, bir mavsumda ham “Real”, ham “Atletiko”, ham “Barselona” mag‘lubiyatga uchratildi.

Yetakchilar “kushandasi”. O‘z uyida “Barselona” va “Atletiko”ni taslim qilgan “Espanyol”, endi “Real”dan ham ustun keldi