Mobile World Congress 2018 (MWC 2018) ochilishi arafasida 2018-yilning 25-fevral kuni Huawei kompaniyasi raqamli o‘zgarishlar bo‘yicha Global forumni muvaffaqiyatli o‘tkazdi. Forum beshta mavzu: 5G, yangi iqtisodiy qadriyatlar ochilishi, Business-to-Business (B2B) xizmatlari, katta video va operatsiyalar transformatsiyasiga bag‘ishlandi. Ushbu mavzularning muhokamasida asosiy e’tibor All Cloud davrida operatorlarning raqamli transformatsiyasini tezlashtirishga, qulay raqamli ekotizim yaratish uchun hamkorlarni birlashtirish va raqamli infratuzulmani kengaytirishga qaratildi. Maqsad – operatorlarga imkoniyatlar, aloqalar, biznesni rivojlantirish, foydalanuvchilar tajribasi, hamkorlik va ko‘plab boshqa sohalarda yangi texnologik marralarga erishishga ko‘maklashishdan iborat.
5G hozir
5G kichik anjumanida forum Huawei end-to-end yechimini taqdim etdi – bu 3GPP 5G Phase 1 standart bo‘lib, u 5G’ni butun dunyoga dastlabki tijorat yoyilishini ko‘zda tutadi. Ushbu reliz simsiz tarmoqlar, ma’lumotlar uzatish tarmog‘i, asosiy tarmoqlar, chipsetlar va mijozlarga xizmat ko‘rsatuvchi uskunalarni (CPE) o‘z ichiga oladi. Shuningdek, u aloqaning yuqorilab va pastlab boruvchi liniyalarini ochish, 3D-MIMO va all-cloud arxitekturasi kabi yechimlarni ham taklif etadi. Huawei 5G’ni kelgusi sinovlarini o‘tkazish va tijorat yoyilishi uchun tarmoqdagi sheriklar bilan yaqin hamkorlik qilishga hamisha intilib keladi.
Forumda sohaning yetakchi tashkilot va muassasalari, operatorlar va tarmoqdagi boshqa sheriklar qatnashdi. Ishtirokchilar 5G spektrini ishlab chiqish bilan bog‘liq imkoniyatlar va muammolar, 5G standartining taraqqiyoti va yo‘l xaritalari xususida fikr almashishdi. Shuningdek, 5G’ni tijorat maqsadida yoyish va foydalanuvchilar tajribasini oshirish bo‘yicha operatorlarning rejalarini muhokama qilishdi.
Yangi iqtisodiy qadriyatni ochish
Xalqaro elektroaloqa ittifoqi (MSE), Jahon banki va bir necha davlatlarning aloqa bo‘limlari vakillari so‘zga chiqib, rivojlanayotgan bozorlar va rivojlangan davlatlar raqamli iqtisodiyot bilan bog‘liq imkoniyatlardan foyda olayotganini ta’kidlashdi. Sanoat tashkilotlari, davlat organlari, operatorlar va yetkazib beruvchilar ayni paytda faol ravishda yangi industrial muhit yaratish, hamkorlikning yangi modellarini izlash va innovatsion biznes yechimlar ishlab chiqishga intilmoqdalar.
AKT sohasida texnologiyalarni yetkazib berishda ilg‘or va tarmoqda yetakchi bo‘lgan Huawei qishloq aholisiga bank xizmatlariga cheksiz ulangan mobil pul taklif qilmoqda.
Huawei’ning RuralStar yechimi uzoq qishloqlar ehtiyojini qondirish uchun maxsus yaratilgan. Bundan tashqari, Huawei rentabelli arzon uy keng polosali xizmatlarini ta’minlash uchun ilg‘or simsiz texnologiyalarni ham kiritdi. Bu xizmatlar milliy raqamli o‘zgarishlarga sezilarli xizmat qilib, raqamli iqtisodiyotning o‘sishi va gullab-yashnashiga omil bo‘ldi.
Bulut va tarmoq sinergiyasi B2B rivojiga xizmat qiladi
Yetakchi operatorlar va tarmoqdagi sheriklar o‘z strategik joylashtiruvi, bozorni tanlash, B2B ekotizimini rivojlantirish sohasida salohiyat va hamkorlik yaratishni muhokama qilishmoqda. Munozaralarda egiluvchan shaxsiy liniya, Internet buyumlar (IoT) va bulutli servislar kabi dolzarb mavzular muhokama qilindi. Ko‘plab korxonalar hozirda bulutli texnologiyalarga o‘tyapti. AKT uchun keng ko‘lamli yechimlar yetkazib beruvchi bo‘lmish Huawei bulutli hisoblash asosidagi o‘zgarishlarni sabrsizlik bilan kutmoqda. Bundan-da muhimi Huawei operatorlar va tarmoqdagi sheriklar bilan korxonalar klaudifikatsiyasiga xizmat qiluvchi eng yaxshi va eng moslanuvchan AKT xizmatlari ko‘rsatish bo‘yicha hamkorlik qilishga umid qilmoqda.
Video yanada o‘sishga xizmat qiladi
Big Video forumi video operatorlarga yangi cho‘qqilarga yetishga qanday imkoniyatlar berishiga qaratildi. Ishtirokchilar jahon video sanoatining o‘sish tendensiyalarini ko‘rib chiqishdi. Operatorlar ham asosiy xizmatlarining bir qismi sifatida videoni kiritishdagi muvaffaqiyatli hikoyalari bilan o‘rtoqlashdi.
IHS Markit va Huawei birgalikda “Video telekommunikatsiya kompaniyalari uchun asosiy xizmat turi” va “operatorlar uchun mobil videoning imkoniyatlari” mavzusida ma’ruzalar chiqarishdi. Bu ikki hujjat video operatorlarga qanchalik foyda keltirishi va operatorlarning videoxizmatlar sohasidagi strategiya va uslublarini jamlashi mumkinligi yaqqol ko‘rsatib turibdi.
Raqamli biznes yo‘lida operatsiyalar transformatsiyasi
Garchi raqamli transformatsiya hozirgi sharoitda o‘ta zaruriyat deb hisoblansada, bu jarayon biznes uchun qator muammolar keltiradi. Operatorlar foydalanuvchilar tajribasini oshirishga va mijozlarga xizmat ko‘rsatish, marketing, tarmoqda rejalashtirish, tarqalishi, foydalanish va xizmat ko‘rsatish (O&M) borasidagi ishlarda samaradorlikka intilishi kerak.
Open ROADS Community — raqamli biznesni o‘zgartirishni tezlashtirishga bag‘ishlangan forumdir. Hamjamiyat va Huawei operatsiyalar transformatsiyasiga qaratilgan bu forumni birgalikda o‘tkazishdi. Bu avvalgi masalalar bo‘yicha chuqurlashtirilgan munozaralar o‘tkazishdek noyob imkoniyatni berdi. Ishtirokchilar o‘z muvaffaqiyatlari bilan o‘rtoqlashib, ushbu mavzuni moslashuvchan biznes, yaxshilangan tajriba va samarali foydalanish va xizmat ko‘rsatish nuqtayi nazaridan ko‘rib chiqishdi.
Forumning maqsadi oxir oqibat butun tarmoqni ko‘p darajali ekotizim yaratish va operatorlarning raqamli transformatsiyasini tezlashtirish uchun to‘plashdan iborat edi. Raqamli biznesga o‘tishning bu davri operatorlarga ulkan tijorat muvaffaqiyati keltirishi kerak.
Mobile World Congress 2018 Barselonada 26-fevraldan 1-martgacha o‘tadi. Huawei o‘z yechimlarini Fira Gran Via Hall 1’dagi 1J50 stendda, 3-zaldagi 3130 stendida va Innovation City ko‘rgazmalar hududining 4 zalida namoyish qilmoqda. Qo‘shimcha ma’lumot uchun www.huawei.com/mwc2018 ga kiring.
Mobile World Congress 2018 doirasida o‘tkaziladigan kundalik tadbirlarni yoritish uchun Huawei kompaniyasi UzReport telekanali jurnalistlarini taklif etgan.
Reklama huquqi asosida!
Izoh (0)