Uyni tozalashda doimiy ravishda tozalovchi vositalardan foydalanish o‘pka ishining buzilish xavfini yuzaga keltiradi. Bu haqda Bergen universiteti olimlari ma’lum qildi, deb yozmoqda “RIA Novosti”.

Foto: “RIA Novosti”

Olimlar 20 yil davomida 6236 kishining nafas olish tizimini kuzatgan. Ma’lum bo‘lishicha, xo‘jalikda qo‘llaniladigan kimyoviy vositalardan foydalanuvchi uy bekalari va uy tozalovchilarning nafas olish hajmi mos ravishda 4,3 va 7,1 millimetrga qisqargan. Bu 20 yil davomida sigaret chekkan kishining ko‘rsatkichlariga teng.

Astma bilan og‘rish xavfi esa uy bekalarida 12,3 foizga, bu faoliyat bilan kasb sifatida shug‘ullanuvchilarda esa 13,7 foizga o‘sgan.

Olimlarning ta’kidlashicha, sezilmasdek tuyulgan zarar kun sayin, yil sayin yig‘ilib, yakunda o‘nglab bo‘lmas zarar yetkazadi.