APL peshqadami bo‘lib turgan “Manchester Siti” Chempionlar Ligasining chorak finaliga birinchi qadamni tashladi.

Foto: FotMob

Shveysariyada “Bazel” mehmoni bo‘lgan “shaharliklar” 4 ta gol farqi bilan zafar quchdi. Bellashuvda Gyundogan dublga erishdi, shuningdek, Bernardu Silva va Aguero 1 tadan gol urdi. 7-mart kuni bo‘lib o‘tadigan javob o‘yini oldidan “Bazel”da deyarli imkoniyat qolmadi.

“Bazel” guruh bosqichida Manchesterning boshqa bir jamoasi “Yunayted” bilan kurashib, yakunda ikkinchi bo‘lgandi. Mourinyo jamoasini o‘z uyida 1:0 hisobida taslim qila olgan jamoaning tishi “Siti”ga o‘tmadi. Ushbu klub “Old Trafford”da 0:3 hisobi bilan taslim bo‘lgandi.

Chempionlar Ligasi

1/8 final

13-fevral, seshanba

“Bazel” — “Manchester Siti” 0:4

Gollar: Ilkay Gyundogan, 14 (0:1). Bernardu Silva, 18 (0:2). Serxio Aguero, 23 (0:3). Ilkay Gyundogan, 53 (0:4).