Binyamin Netanyaxu 13-fevral kungi televideniye orqali murojaatida politsiyaning unga qarshi ikki ish yuzasidan ayblov e’lon qilish bo‘yicha tavsiyasiga qaramasdan Isroil bosh vaziri lavozimida qolishini ma’lum qildi, deb yozadi “TASS”.
“Bosh vazir ekanligimdan buyon menga doim hujum qilishgan, menga qarshi 15 ta tekshirish o‘tkazilgan. O‘shanda bu ishlarning barchasi natijasiz yakunlangan, demokratik mamlakatda bu tavsiyanomalarning hech qanday qimmati yo‘q. Bu safar ham hammasi natijasiz yakun topadi”, — dedi vazir.
Isroil politsiyasi 13-fevral, seshanba kuni Netanyaxu advokatlariga vazirga qarshi uning mansab vakolatini suiiste’mol qilish yuzasidan surishtiruv olib borilayotgan ikki ish bo‘yicha ayblov ilgari surish tavsiyanomasi bilan chiqishini ma’lum qilgan.
Izoh (0)