Shavkat Mirziyoyev Podmoskovyeda An-148 samolyoti halokati oqibatida ko‘plab insonlar qurbon bo‘lgani munosabati bilan Rossiya prezidenti Vladimir Putinga hamdardlik izhor etdi. Bu haqda O‘zbekiston Prezidentining matbuot xizmati xabar qildi.
“Saratov avialiniyalari” kompaniyasining Moskvadan Orskka yo‘l olgan An-148 yo‘lovchi samolyoti 11-fevral kuni poytaxt viloyatida halokatga uchragandi. Havo kemasi bortida 71 kishi — 65 yo‘lovchi va 6 nafar ekipaj a’zosi bo‘lgan.
Tergov qo‘mitasi “ikki yoki undan ortiq shaxsning o‘limiga sabab bo‘lgan havo transporti harakatlari qoidalarini buzish” moddasi bo‘yicha jinoiy ish qo‘zg‘atdi.
Izoh (0)