O‘zbekistonda 2018-yilning yanvar oyida yengil avtomobillarni ishlab chiqarish hajmi o‘tgan yilning ushbu davriga nisbatan 60,6 foizga, ya’ni 12 170 donaga o‘sdi. Bu haqda Davlat statistika qo‘mitasiga tayanib, UzDaily xabar berdi.

Foto: UzDaily

Yanvar oyida yuk mashinalarni ishlab chiqarish esa 2017-yilning yanvariga nisbatan 177 donaga (36,1 foizga) o‘sgan.

Shu bilan birga avtobuslar ishlab chiqarish hajmi 2,5 foizga (40 donaga) kamaygan.

Shuningdek, O‘zbekiston korxonalari avtomobil dvigatellarini ishlab chiqarishni o‘tgan yilning yanvariga nisbatan 58,2 foizga (9,22 mingtaga) oshirgan.