22-martdan boshlab “Toshkent—Baliqchi—Toshkent” yo‘nalishi bo‘ylab poyezdlar qatnovi yo‘lga qo‘yiladi. Bu haqda “Qirg‘iz temir yo‘li” kompaniyasi xabar berdi.
Xabar berishlaricha, qatnovlar 22-martdan boshlab haftasiga bir marta, “O‘zbekiston temir yo‘llari”ning poyezdlarida amalga oshiriladi.
Poyezd har payshanba kuni Toshkentdan yo‘lga chiqib, juma kuni Baliqchiga yetib boradi hamda shanba kuni Baliqchidan yo‘lga chiqib, yakshanba kuni Toshkentga kirib keladi.
“Toshkent—Baliqchi—Toshkent” yo‘nalishi bo‘yicha harakatlanuvchi poyezd tarkibida 7 ta kupeli vagon, 3 ta platskartli vagon va bitta vagon-restoran bo‘ladi.
Avvalroq 2018-yildan Toshkentdan Issiqko‘l bo‘yidagi Baliqchi (Ribachye) shahriga yo‘lovchi poyezdlar qatnovi yo‘lga qo‘yilishi rejalashtirilayotgani haqida xabar berilgan edi.
Izoh (0)