Toshkent shahar IIBB 1 kunda 31 nafar boshpanasiz shaxsni issiq ovqat va yotoq joyi bilan ta’minladi

Toshkent shahrida ob-havoning keskin sovib ketishi munosabati bilan Toshkent shahar IIBB patrul-post xizmati brigadasi shaxsiy tarkibi tomonidan tibbiyot muassasalari bilan hamkorlikda shahar hududida ma’lum bir yashash joyiga ega bo‘lmagan fuqarolarga yordam ko‘rsatilmoqda, deb xabar beradi Toshkent shahar IIBB matbuot xizmati.

“Jumladan, 7-fevraldan 8-fevralga qadar yuqorida ko‘rsatib o‘tilgan toifadagi 31 nafar shaxslar joylardagi tibbiy muassasalarga joylashtirilib, ularga malakali birinchi tibbiy yordam ko‘rsatilib, issiq ovqat hamda yotoq joyi bilan ta’minlandi.

Hozirda mazkur yo‘nalishdagi tadbirlarning o‘tkazilishi davom ettirilmoqda”, — deyiladi xabarda.