Britaniyadagi “birinchi odam” qora tanli va ko‘k ko‘z bo‘lganligi aniqlandi

1903-yilda Cheddar darasi (Angliyaning Somerset grafligi) g‘orlaridan birida qadimgi odamning qoldiqlari topildi. Ular eramizdan avvalgi 7150-yillarga mansub bo‘lib, Britaniyadan topilgan eng qadimgi to‘liq saqlangan skeletdir, deb yozadi National Geographic.

Odam qoldiqlari London tabiatshunoslik muzeyida saqlanmoqda va ular hozirga qadar tadqiq etilmoqda. Cheddarlik odam 20 yoshda o‘ldirilgan bo‘lib, uni bo‘yi 166 santimetrni tashkil etgan.

Tabiiy tarix muzeyi va London Universitet kolleji mutaxassislari suyak to‘qimasi DNKsida o‘tkazgan tadqiqot natijalari cheddarlik odamning ko‘zlari ko‘k, soch va terisi qora bo‘lganligini ko‘rsatdi.