Toshkentda sotilayotgan 7 ta eng arzon brend smartfonlari (foto)

Texnologiyalar rivojlanishi va arzonlashishi, Xitoy kompaniyalari bilan qattiq raqobat mashhur firmalarni hatto 100 dollardan arzonroq turadigan smartfonlarni chiqarishga majbur qilmoqda. “Mobinfo.uz” Toshkent bozorida sotilayotgan eng arzon smartfonlar ro‘yxatini taqdim etdi.

7.Sony Xperia T3 — 900 ming so‘m

5,3 dyuymli ekran, to‘rt yadroli Qualcomm Snapdragon 400 protsessori, 1 Gb tezkor va 8 Gb ichki xotira (+microSD), 8 megapikselli asosiy va 1,1 megapikselli old kamera, 2500 mA/soat sig‘imli batareya bilan jihozlangan. 2014-yil yozida sotuvga chiqqan.

6.Xiaomi Redmi 4A — 880 ming so‘m

5 dyuymli ekran, to‘rt yadroli Qualcomm Snapdragon 425 protsessori, 2 Gb tezkor va 16 Gb ichki xotira (+microSD), 13 megapikselli asosiy va 5 megapikselli old kamera, 3120 mA/soat sig‘imli batareya bilan jihozlangan. 2017-yilda sotuvga chiqqan.

5.LG K 4 — 860 ming so‘m

4,5 dyuymli ekran, to‘rt yadroli MediaTek MT6735M protsessori, 1 Gb tezkor va 8 Gb ichki xotira (+microSD), 8 megapikselli asosiy va 1,1 megapikselli old kamera, 1949 mA/soat sig‘imli batareya bilan jihozlangan. Android 5.1.1 Lollipop operatsion tizimida ishlaydi. 2016-yilda sotuvga chiqqan.

5.Meizu M5C — 850 ming so‘m

5 dyuymli ekran, to‘rt yadroli MediaTek MT6737 protsessori, 2 Gb tezkor va 16 Gb ichki xotira (+microSD), 8 megapikselli asosiy va 5 megapikselli old kamera, 3000 mA/soat sig‘imli batareya bilan jihozlangan. Android bazasidagi Flyme firma qobig‘ida ishlaydi. 2017-yilda sotuvga chiqqan.

4.HTC Desire 526G+ — 738 ming so‘m

4,7 dyuymli ekran, 1 Gb tezkor va 8 Gb ichki xotira (+microSD), 8 megapikselli asosiy va 2 megapikselli old kamera, 2000 mA/soat sig‘imli batareya bilan jihozlangan. Android 4.4.2 KitKat operatsion tizimida ishlaydi. 2015-yilda sotuvga chiqqan.

3.Huawei Ascend Y625 — 650 ming so‘m

5 dyuymli ekran, to‘rt yadroli Qualcomm MSM8212 protsessori, 1 Gb tezkor va 4 Gb ichki xotira (+microSD), 8 megapikselli asosiy va 2 megapikselli old kamera, 2000 mA/soat sig‘imli batareya bilan jihozlangan. Android 4.4 KitKat operatsion tizimida ishlaydi. 2015-yilda sotuvga chiqqan.

2.Samsung Galaxy J1 Mini — 600 ming so‘m

4 dyuymli ekran, 768 Mb tezkor va 8 Gb ichki xotira (+microSD), 5 megapikselli asosiy va 0,3 megapikselli old kamera, 1500 mA/soat sig‘imli batareya bilan jihozlangan. Android bazasidagi TouchWiz firma qobig‘ida ishlaydi. 2016-yilda sotuvga chiqqan.

1.Alcatel OneTouch Pixi 3 (3,5 D) — 400 ming so‘m

3,5 dyuymli ekran, 512 Mb tezkor va 256 Mb ichki xotira (+microSD), 2 megapikselli asosiy kamera (old kamera yo‘q), 1300 mA/soat sig‘imli batareya bilan jihozlangan. Android 2.3 operatsion tizimida ishlaydi. 2013-yilda sotuvga chiqqan.

Ro‘yxatda keltirilgan qurilmalarni ko‘rsatilgan narxlarda sotib olishga “Daryo” nashri kafolat bermaydi. Qurilmalar va ularning narxlari haqidagi axborot faqat tanishish uchun taqdim etilgan.