Rossiyaning Sankt-Peterburg davlat universiteti olimlari kosmik kemalarni qizib ketishdan va dengizda suzuvchi kemalarni suv o‘smliklari va mikroorganizmlarning salbiy ta’siridan himoya qiluvchi material yaratdi. Bu haqda “TASS” xabar berdi.

Foto: Gogetnews

Material qorong‘uda yarqiraydi, uning issiqlikka chidamliligi 320 darajani tashkil qiladi. Ixtiro kosmik apparatlarda issiqlikni boshqarish tizimini takomillashtirishga, shuningdek kemalarning suvosti qismini himoyalashga xizmat qiladi.

Ta’kidlanishicha, yangi materialning yarqirashi tez va kontaktsiz ravishda silikon qatlamining qalinligini obyekt bo‘ylab aniqlashga va tezda kamchilikni bartaraf etishga imkon beradi.

Unda toksik moddalar umuman yo‘q va suv havzalari hayvonlari uchun butunlay xavfsiz hisoblanadi.