Internetda Nokia 7 Plus smartfoni taqdimoti slaydlarining fotosuratlari paydo bo‘ldi, deb yozadi Hi-Tech Mail.Ru.

Foto: Hi-Tech Mail.Ru

Ularga ko‘ra, Nokia 7 Plus metall romli shisha korpusga ega bo‘ladi. Barmoq izi skaneri orqa panelda joylashadi, old panelda esa 18:9 nisbatli ingichka romli 6 dyuymli displey joylashadi. Full HD+ displey 2160×1080 pikselli bo‘ladi.

Foto: Hi-Tech Mail.Ru

Asosiy kamera 12 va 13 megapikselli ikkita moduldan iborat bo‘ladi.

Smartfon Snapdragon 660 protsessorida ishlaydi, tezkor xotirasi 4 Gb bo‘ladi. Android 8.0 Oreo operatsion tizimi o‘rnatiladi.

Foto: Hi-Tech Mail.Ru

Nokia yangi smartfonini 25-fevral kuni Barselonadagi MWC 2018 ko‘rgazmasi doirasida bo‘lib o‘tadigan taqdimotda namoyish etishi taxmin qilinmoqda.