O‘zbekiston Prezidenti Shavkat Mirziyoyev 2-fevral kuni mamlakatning sayyohlik salohiyati rivoji uchun qulay shart-sharoitlar yaratish bo‘yicha qo‘shimcha tashkiliy choralar ko‘rish haqidagi farmonni imzoladi.
Bungacha faqat Avstriya, Belgiya, Buyuk Britaniya, Fransiya, Germaniya, Ispaniya, Italiya, Latviya, Malayziya, Tailand, Turkiya, Yaponiya, Shveysariya, Chexiya va Polsha fuqarolari uchun viza rasmiylashtirishning soddalashtirilgan tartibi qo‘llanilmoqda edi.
Prezidentning 2-fevraldagi farmoniga muvofiq, 2018-yil 10-fevraldan ro‘yxatga yana 39 mamlakat, jumladan,
- Avstraliya
- Albaniya
- Andorra
- Bolgariya
- Bosniya va Gersegovina
- Vatikan
- Vengriya
- Gretsiya
- Daniya
- Hindiston
- Irlandiya
- Islandiya
- Kuvayt
- Kanada
- Litva
- Xitoy (Gonkong ham)
- Lixtenshteyn
- Lyuksemburg
- Makedoniya
- Malta
- Monako
- Niderlandiya
- Yangi Zelandiya
- Norvegiya
- Birlashgan Arab Amirliklari
- Ummon
- Portugaliya
- Ruminiya
- San-Marino
- Saudiya Arabistoni
- Serbiya
- Slovakiya
Ushbu davlatlar turistlariga 30 kungacha bo‘lgan muddatga va ishbilarmonlariga 1 yilgacha bo‘lgan muddatga ko‘p martalik viza beriladi. Bunda ulardan turistik vaucher yoki O‘zbekistondagi taklif qiluvchi yuridik va jismoniy shaxsning taklifnoma bilan O‘zbekiston Tashqi ishlar vazirligiga murojaat qilishi talab etilmaydi. Viza 2 ish kuni ichida rasmiylashtiriladi.
Izoh (0)